ਫਿਲਮ 'ਭਾਗ ਮਿਲਖਾ ਭਾਗ' ਵਿੱਚ ਛਾਇਆ ਜਪਤੇਜ ਹੁਣ ਪੰਜਾਬੀ ਫਿਲਮ 'ਮਿੱਟੀ ਨਾ ਫਰੋਲ ਜੋਗੀਆ' ਕਰਕੇ ਚਰਚਾ 'ਚ

    ਛੋਟੀ ਉਮਰੇ ਵੱਡੀਆਂ ਪੁਲਾਂਘਾ ਪੁੱਟਣ ਵਾਲਾ 'ਮਿੰਨੀ ਮਿਲਖਾ ਸਿੰਘ' ਭਾਵ ਜਪਤੇਜ 
 ਬਾਲੀਵੁੱਡ ਦੀ ਫਿਲਮ 'ਭਾਗ ਮਿਲਖਾ ਭਾਗ' ਵਿੱਚ ਭੂਮਿਕਾ ਨਿਭਾਉਣ ਦੇ ਬਾਅਦ 'ਮਿੰਨੀ ਮਿਲਖਾ' ਵੱਜੋਂ ਚਰਚਾ ਰਿਹਾ ਜਪਤੇਜ ਹੁਣ ਪੰਜਾਬੀ ਫਿਲਮ 'ਮਿੱਟੀ ਨਾ ਫਰੋਲ ਜੋਗੀਆ' ਵਿੱਚ ਅਹਿਮ ਭੂਮਿਕਾ ਨਿਭਾਉਣ ਕਾਰਨ ਚਰਚਾ ਹੈ । ਭਾਰਤ ਤੇ ਪਾਕਿਸਤਾਨ ਦੀ ਵੰਡ ਦੇ ਬਾਅਦ ਦਰਦ ਨੂੰ ਬਿਆਨਦੀ ਫਿਲਮ ਹੈ। ਇਸ ਫਿਲਮ ਵਿੱਚ ਪਾਕਿਸਤਾਨ ਨੂੰ ਪਿਆਰ ਦੀ ਭਾਸ਼ਾ ਸਮਝਾਉਣ ਦੀ ਕੋਸ਼ਿਸ ਕਰਦੀ ਫਿਲਮ ਵਿੱਚ ਵੱਖਰਾਪਨ ਲੈ ਕੇ ਆਉਂਦੀ ਹੈ। ਫਿਲਮ ਵਿੱਚ ਜਪਤੇਜ ਨੇ ਜੱਗਾ ਨਾਂ ਦੇ ਬੱਚੇ ਦਾ ਕਿਰਦਾਰ ਨਿਭਾਇਆ ਹੈ। ਤਫਿਲਮ ਦੀ ਸਾਰੀ ਕਹਾਣੀ ਉਸਦੇ ਕਿਰਦਾਰ ਦੇ ਆਸ ਪਾਸ ਹੀ ਘੁੰਮਦੀ ਹੈ।
 ਜਪਤੇਜ ਭਾਵ 'ਮਿੰਨੀ ਮਿਲਖਾ'

ਦਾ ਆਖਣਾ ਹੈ ਕਿ 'ਭਾਗ ਮਿਲਖਾ ਭਾਗ' ਲਈ ਉਸ ਨੇ ਚੰਡੀਗੜ੍ਹ ਵਿੱਚ ਓਡੀਸ਼ਨ ਦਿੱਤਾ ਸੀ ਜਿਸ ਵਿੱਚ ਉਸਦੀ ਚੋਣ ਹੋ ਗਈ ਸੀ। ਅੱਠਵੀਂ ਵਿੱਚ ਪੜ੍ਹਨ ਵਾਲੇ ਜਪਤੇਜ ਨੇ ਫਿਲਮ ਵਿੱਚ ਭੂਮਿਕਾ ਨਿਭਾ ਕੇ ਚਾਰ ਚੰਨ ਲਗਾ ਦਿੱਤੇ। ਜਪਤੇਜ ਦਾ ਪਿਤਾ ਕਈ ਸਾਲਾਂ ਤੋਂ ਫਿਲਮ ਪ੍ਰੋਡਕਸ਼ਨ ਦਾ ਕੰਮ ਕਰਦਾ ਆ ਰਿਹਾ ਹੈ ਤੇ ਉਸ ਨੂੰ ਆਪਣੇ ਪਿਤਾ ਦੀ ਗੁੜਤੀ ਮਿਲੀ ਹੈ।
 'ਭਾਗ ਮਿਲਖਾ ਭਾਗ' ਫਿਲਮ ਵਿੱਚ ਕੰਮ ਕਰਨ ਸਮੇਂ ਉਹ ਅੱਠਵੀਂ ਜਮਾਤ ਦਾ ਵਿਦਿਆਰਥੀ ਸੀ ਤੇ ਹੁਣ ਉਹ ਦਸਵੀਂ ਵਿੱਚ ਪੜ੍ਹ ਰਿਹਾ ਹੈ। ਪਿਤਾ ਦੀ ਮਦਦ ਉਸ ਨੂੰ ਪੂਰ੍ਹੀ ਮਿਲਣ ਦੀ ਉਸ ਨੇ ਗੱਲ ਆਖਦਿਆਂ ਕਿਹਾ ਕਿ ਉਸਦੇ ਪਿਤਾ ਨਾਲ ਨਾਲ ਉਸਦੀ ਪੜ੍ਹਾਈ ਵੀ ਜ਼ਿਆਦਾ ਡਿਸਟਰਬ ਨਾ ਹੋਣ ਦਾ ਖਿਆਲ ਰੱਖਦੇ ਹਨ ਤੇ ਉਹ ਵੀ ਫਿਲਹਾਲ ਆਪਣੀ ਪੜ੍ਹਾਈ ਤੇ ਵੀ ਨਾਲ ਨਾਲ ਧਿਆਨ ਦੇਣਾ ਚਾਹੁੰਦਾ ਹੈ। ਉਸ ਅਨੁਸਾਰ ਉਸ ਨੂੰ 'ਭਾਗ ਮਿਲਖਾ ਭਾਗ' ਦੇ ਬਾਅਦ ਬਾਲੀਵੁੱਡ ਤੇ ਪਾਲੀਵੁੱਡ ਫਿਲਮਾਂ ਦੇ ਕਈ ਆਫਰ ਆਏ ਪਰ ਫਿਲਮਾਂ ਦੀ ਕਹਾਣੀ ਸਹੀ ਨਾ ਲੱਗਣ ਦੇ ਕਾਰਨ ਉਨ੍ਹਾਂ ਸਾਈਨ ਨਾ ਕੀਤੀ ਤੇ ਹੁਣ ਇਸ ਫਿਲਮ 'ਮਿੱਟੀ ਨਾ ਫਰੋਲ ਜੋਗੀਆ' ਦੀ ਕਹਾਣੀ ਚੰਗੀ ਲੱਗੀ। ਜਿਸ ਦੇ ਕਾਰਣ ਉਨ੍ਹਾਂ ਨੇ ਇਹ ਫਿਲਮ ਕਰਨ ਨੂੰ ਚੁਣਿਆ ਤੇ ਉਸਦੇ ਪਿਤਾ ਤੇ ਪਰਿਵਾਰ ਦੀ ਤਮੰਨਾ ਸੀ ਕਿ ਉਹ ਇਸ ਫਿਲਮ ਵਿੱਚ ਆਪਣੀ ਭੂਮਿਕਾ ਨਿਭਾਵੇ। 
  ਪੰਜਾਬੀ ਫਿਲਮ 'ਮਿੱਟੀ ਨਾ ਫਰੋਲ ਜੋਗੀਆ' ਵਿੱਚ ਉਸ ਨੇ ਉਸ ਨੇ ਖੂਬ ਮਜ਼ਾ ਕਰਨ ਬਾਰੇ ਦੱਸਿਆ ਤੇ ਸੈਟਸ ਤੇ ਵੀ ਘਰ ਵਰਗਾ ਮਾਹੌਲ ਹੋਣ ਦੀ ਗੱਲ ਉਨ੍ਹਾਂ ਕਹੀ। ਉਸ ਨੇ ਕਿਹਾ ਕਿ ਸਭ ਤੋਂ ਛੋਟਾ ਹੋਣ ਕਾਰਣ ਉਹ ਸਭ ਦਾ ਪਸੰਦੀਦਾ ਐਕਟਰ ਤੇ ਕਰੈਕਟਰ ਸੀ ਕਿਉਂਕਿ ਉਹ ਹਾਲੇ ਵੀ ਸਿੱਖ ਹੀ ਰਿਹਾ ਹੈ। ਇਸਲਈ ਇਸ ਫਲਮ ਨੇ ਉਸ ਨੂੰ ਆਪਣੀ ਐਕਟਿੰਗ ਦੇ ਪਾਠ ਵਿੱਚ ਲਿਖਣ ਲਈ ਕਾਫੀ ਕੁੱਝ ਦਿੱਤਾ ਹੈ। ਉਸ ਨੇ ਦੱਸਿਆ ਕਿ 'ਭਾਗ ਮਿਲਖਾ ਭਾਗ' ਦੌਰਾਨ ਰਾਕੇਸ਼ ਸਰ ਤੇ ਫਰਹਾਨ ਸਰ ਉਸਦੇ ਗੁਰੂ ਸਨ ਅਤੇ ਇਸ ਵਾਰ ਮੈਂ ਡਾਇਰੈਕਟਰ ਅਨੁਰਾਗ ਬਾਸੂ ਅਤੇ ਸਾਡੇ ਡਾਇਰੈਕਟਰ ਅਵਤਾਰ ਸਿੰਘ ਤੋਂ ਗਿਆਨ ਲਿਆ। ਹਾਲਾਤ ਬਿਲਕੁਲ Àਸ ਤਰ੍ਹਾਂ ਸਨ ਜਿਵੇਂ ਪਹਿਲੀ ਕਲਾਸ ਵਿੱਚ ਪੜ੍ਹ ਰਹੇ ਬੱਚੇ ਨੂੰ ਕਿਸੇ ਟਾਪ-ਗ੍ਰੇਡ ਦੀ ਯੂਨੀਵਰਸਿਟੀ ਦੇ ਤਜਰਬੇਕਾਰ ਪ੍ਰੋਫੈਸਰ ਪੜ੍ਹਾ ਰਹੇ ਹੋਣ। ਇਸ ਫਿਲਮ ਵਿੱਚ ਉਸ ਦੇ ਇਲਾਵਾ ਕਰਤਾਰ ਚੀਮਾ ਤੇ ਅਮਨ ਗਰੇਵਾਲ ਵੀ ਹਨ। ਬਾਲੀਵੁੱਡ ਫਿਲਮਾਂ ਵਿੱਚ ਪਸੰਦੀਦਾ ਹੀਰੋ ਵੱਜੋਂ 'ਅਕਸ਼ੈ ਕੁਮਾਰ' ਤੇ 'ਅਮਿਰ ਖਾਨ' ਨੂੰ ਪਸੰਦ ਕਰਦਾ ਹੈ। ਛੋਟੀ ਉਮਰੇ ਵੱਡੀਆਂ ਪੁਲਾਂਘਾ ਪੁੱਟਣ ਵਾਲਾ ਜਪਤੇਜ ਸਾਦਗੀ ਭਰਪੂਰ ਹੀਰੋ ਹੈ। ਉਹ ਦੱਸਦਾ ਹੈ ਕਿ ਉਸਦੇ ਘਰ ਉਸਦੀ ਮਾਤਾ ਜਸਵੀਰ ਕੌਰ, ਪਿਤਾ ਸਵਰਨ ਸਿੰਘ ਦੇ ਇਲਾਵਾ ਉਹ ਤੇ ਉਸਦੀ ਭੈਣ ਹਨ। ਉਹ ਆਪਣੀ ਭੈਣ ਤੋਂ ਛੋਟਾ ਹੈ।

ਪੰਜਾਬ ਦਾ ਪੁੱਤ ਪਰਦੀਪ ਸਰਾਂ ਹੁਣ ਬਾਲੀਵੁੱਡ ਚ

 ਬਾਲੀਵੁੱਡ ਦੀ ਫਿਲਮ ਵਿੱਚ ਗਾਵੇਗਾ ਹੁਣ ਪਰਦੀਪ ਸਰਾਂ 

     

ਪੰਜਾਬ ਦਾ ਪੁੱਤ ਪਰਦੀਪ ਸਰਾਂ ਹੁਣ ਆਉਣ ਵਾਲੇ ਦਿਨਾਂ ਵਿੱਚ ਹਿੰਦੀ ਫਿਲਮ ਵਿੱਚ ਗਾਵੇਗਾ। ਬਠਿੰਡਾ ਦਾ ਜੰਮਿਆ ਪਲਿਆ ਪਰਦੀਪ ਸਰਾਂ ਨੇ ਆਪਣੀ ਸਖਤ ਮਿਹਨਤ ਤੇ ਰਿਆਜ਼ ਕਾਰਨ ਅੱਜ ਮੁੰਬਈ ਵਰਗੇ ਸ਼ਹਿਰ ਵਿੱਚ ਆਪਣੀ ਅਲੱਗ ਪਹਿਚਾਣ ਬਣਾ ਲਈ ਹੈ। ਸਾਲ 2014 ਵਿੱਚ ਨੈਸ਼ਨਲ ਚੈਨਲ ਸਟਾਰ ਪਲੱਸ ਤੋਂ ਪ੍ਰਸਿੱਧ ਮਿਊਜ਼ਿਕ ਡਾਇਰੈਕਟਰ ਤੇ ਸਿੰਗਰ ਹਨੀ ਸਿੰਘ ਦੀ ਦੇਖਰੇਖ ਵਿੱਚ ਪਹਿਲੀ ਵਾਰ ਸ਼ੁਰੂ ਹੋਏ ਰਿਅਲਟੀ ਸ਼ੋਅ 'ਇੰਡੀਆਜ਼ ਰਾਅ ਸਟਾਰ' ਵਿੱਚ ਇੰਡੀਆ ਦੇ ਟੋਪ 10 ਵਿੱਚ ਪੰਜਾਬ ਵਿੱਚੋਂ ਪਰਦੀਪ ਚੋਣ ਹੋਈ ਸੀ।
  ਆਪਣੀ ਉੱਚੀ ਲੰਬੀ ਹੇਕ ਤੇ ਬੁਲੰਦ ਅਵਾਜ਼ ਸਦਕਾ ਪਰਦੀਪ ਨੂੰ ਹਨੀ ਸਿੰਘ ਨੇ ਪੰਜਾਬ ਦੇ ਬੱਬਰ ਸ਼ੇਰ ਦਾ ਨਾਂ ਦਿੱਤਾ। ਆਪਣੀ ਪੂਰੀ ਲਗਨ ਤੇ ਮਿਹਨਤ ਸਦਕਾ ਇੰਨੇ ਸਖਤ ਮੁਕਾਬਲੇ ਵਿੱਚ ਪਰਦੀਪ ਟੌਪ 4 ਤੱਕ ਪਹੁੰਚ ਕੇ ਹਿੰਦੁਸਤਾਨ ਦਾ ਹਰਮਨ ਪਿਆਰਾ ਬਣਿਆ। ਆਪਣੇ ਸ਼ੋਅ ਦੌਰਾਨ ਪਰਦੀਪ ਨੂੰ ਮੁੰਬਈ ਦੇ ਕਈ ਪ੍ਰਸਿੱਧ ਸੰਗੀਤਕਾਰਾਂ ਦੇ ਦਿਲਾਂ ਨੂੰ ਟੁੰਿਬਆ। ਪਰਦੀਪ ਲਈ ਸਭ ਤੋਂ ਵੱਡੀ ਖੁਸ਼ੀ ਤੇ ਮਾਣ ਵਾਲੀ ਗੱਲ ਉਦੋਂ ਹੋਈ, ਜਦੋਂਕਿ ਬਾਲੀਵੁੱਡ ਵੱਲੋਂ 30 ਮਾਰਚ ਨੂੰ ਉਸ ਦੇ ਜਨਮ ਦਿਨ ਤੇ ਭਵਿੱਖ ਨੂੰ ਹਰ ਰੋਸ਼ਨ ਕਰਨ ਵਾਲਾ ਪਲੇਅ ਬੈਕ ਸਿੰਗਰ ਹੋਣ ਦਾ ਤੋਹਫਾ ਮਿਲਿਆ। ਦੱਸਣਯੋਗ ਹੈ ਕਿ ਪਹਿਲਾਂ ਸੁਪਰਹਿੱਟ ਹੋਈ ਫਿਲਮ 'ਓ ਮਾਈ ਗੌਡ' ਦੀ ਟੀਮ ਵੱਲੋਂ ਬਣਾਈ ਦੂਸਰੀ ਫਿਲਮ 'ਧਰਮ ਸੰਕਟ ਮੇਂ' ਜਿਸ ਦੇ ਡਾਇਰੈਕਟਰ ਫੁਵਾਦ ਖਾਨ ਹਨ ਅਤੇ ਇਸ ਵਿੱਚ ਹਿੰਦੀ ਸਿਨੇਮਾ ਦੇ ਪ੍ਰਸਿੱਧ ਸਿਤਾਰੇ, ਨਸ਼ੀਰੂਦੀਨ ਸ਼ਾਹ, ਪਰੇਸ਼ ਰਾਵਲ ਅਤੇ ਅਨੂ ਕਪੂਰ ਜੀ ਕੰਮ ਕਰ ਰਹੇ ਹਨ। 
  ਇਹ ਫਿਲਮ 10 ਅਪਰੈਲ ਨੂੰ ਸਿਨੇਮਾ ਘਰਾਂ ਦਾ ਸ਼ਿੰਗਾਰ ਬਨਣ ਜਾ ਰਹੀ ਹੈ। ਇਸ ਫਿਲਮ ਵਿੱਚ ਪਰਦੀਪ ਨੇ 'ਅੱਲਾ ਹੂ' ਗੀਤ ਨੂੰ ਅਵਾਜ਼ ਦਿੱਤੀ ਹੈ ਅਤੇ ਜਿਸ ਨੂੰ ਸੰਗੀਤ ਦਿੱਤਾ ਹੈ, ਮੁੰਬਈ ਦੇ ਪ੍ਰਸਿੱਧ ਸੰਗੀਤਕਾਰ ਸਚਿਨ ਗੁਪਤਾ ਨੇ ਜੋ ਕਿ ਪਰਦੀਪ ਦੀ ਗਾਇਕੀ ਤੋਂ ਬਹੁਤ ਪ੍ਰਭਾਵਿਤ ਹਨ ਅਤੇ ਭਵਿੱਖ ਵਿੱਚ ਵੀ ਪਰਦੀਪ ਨੂੰ ਹੋਰ ਮੌਕੇ ਪ੍ਰਦਾਨ ਕਰ ਰਹੇ ਹਨ। 

ਰੇਲਵੇ ਦੀ ਜ਼ਮੀਨ 'ਤੇ ਨਜਾਇਜ਼ ਕਬਜ਼ਿਆਂ ਨੇ ਬਣਾਈ 'ਰੇਲ'

                  
   ਠੰਢੇ ਬਸਤੇ ਵਿੱਚ ਕਬਜ਼ੇ ਹਟਾਉਣ ਦੀ ਮੁਹਿੰਮ
                                                                                                                                           ਰੇਲਵੇ ਵਿਭਾਗ ਦੀ ਜਗ•ਾ 'ਤੇ ਬਾਹਰਲੇ ਸੂਬਿਆਂ ਤੋਂ ਆ ਕੇ ਕਬਜ਼ੇ ਜਮ•ਾਉਣ ਵਾਲੇ ਲੋਕਾਂ ਨੂੰ ਉਠਾਉਣ ਦੀ ਮੁਹਿੰਮ ਇੱਕ ਵਾਰ ਫਿਰ ਠੰਢੇ ਬਸਤੇ ਵਿੱਚ ਪੈ ਗਈ ਹੈ। ਬਾਹਰਲੇ ਸੂਬਿਆਂ ਤੋਂ ਆਉਣ ਵਾਲੇ ਇਹ ਪ੍ਰਵਾਸੀਆਂ ਨੂੰ ਰਹਿੰਦਿਆਂ ਜਦ ਕਈ ਸਾਲ ਬੀਤ ਜਾਂਦੇ ਹਨ ਤਾਂ ਅਚਾਨਕ ਰੇਲਵੇ ਵਿਭਾਗ ਦੀ ਜਾਗ ਖੁਲ•ਣ ਬਾਅਦ ਉਪਰੋਕਤ ਘਰਾਂ ਨੂੰ ਢਾਹ ਕੇ ਉਪਰੋਕਤ ਲੋਕਾਂ ਨੂੰ ਬੇਘਰ ਕਰ ਦਿੱਤਾ ਜਾਂਦਾ ਹੈ। ਇੱਕ ਪਾਸੇ ਜਿੱਥੇ ਇਹ ਲੋਕ ਬਾਹਰਲੇ ਆਪਣੇ ਸੂਬਿਆਂ ਨੂੰ ਛੱਡ ਕੇ ਆ ਕੇ ਬਠਿੰਡਾ ਰੇਲਵੇ ਦੀ ਜ਼ਮੀਨ 'ਤੇ ਕਾਬਜ਼ ਹੋ ਜਾਂਦੇ ਹਨ, ਉਥੇ ਹੀ ਦੂਜੇ ਪਾਸੇ ਉਪਰੋਕਤ ਲੋਕਾਂ ਦੇ ਪਿਛੋਕੜ ਬਾਰੇ ਕਿਸੇ ਨੂੰ ਵੀ ਜਾਣਕਾਰੀ ਨਾ ਹੋਣ ਕਾਰਣ ਰੇਲਵੇ ਵਿਭਾਗ ਤੇ ਰੇਲਵੇ ਕਲੋਨੀ  ਲਈ ਇਹ ਲੋਕ ਹਮੇਸ਼ਾ ਖਤਰਾ ਬਣੇ ਰਹਿੰਦੇ ਹਨ ਕਿਉਂਕਿ ਇਹਨਾਂ ਦੀ ਆੜ ਵਿੱਚ ਕੋਈ ਵੀ ਮਾੜਾ ਅਨਸਰ ਇੱਥੇ ਵਾਰਦਾਤਾਂ ਨੂ ਅੰਜਾਮ ਦੇ ਸਕਦਾ ਹੈ।

                                   ਜਮ•ਾਏ ਹੋਏ ਲੋਕਾਂ ਬਾਰੇ ਰੇਲਵੇ ਅਧਿਕਾਰੀ ਵੀ ਪੁੱਛਣ 'ਤੇ ਮਾਮਲੇ ਪ੍ਰਤੀ ਟਾਲ ਮਟੋਲ ਕਰਦੇ ਹੋਏ ਨਜ਼ਰ ਆਉਂਦੇ ਹਨ। ਰੇਲਵੇ ਵਿਭਾਗ ਨੇ ਹੋਰ ਰਾਜਾਂ ਤੋਂ ਆਏ ਇਹਨਾਂ ਲੋਕਾਂ ਵੱਲੋਂ ਕੀਤੇ ਕਬਜ਼ਿਆਂ ਨੂੰ ਹਟਾਉਣ ਲਈ ਮੁਹਿੰਮ ਤਾਂ ਚਲਾਈ ਪਰੰਤੂ ਇਹ ਨੇਪਰੇ ਕਦੇ ਵੀ ਨਾ ਚੜ• ਸਕੀ। ਅੱਧ ਵਿਚਕਾਰ ਉਪਰੋਕਤ ਮੁਹਿੰਮ ਨੂੰ ਛੱਡਣ ਕਰਕੇ ਇਹ ਮੁਹਿੰਮ ਠੁੱਸ ਹੋ ਗਈ। ਜਿੱਥੇ ਇਹ ਮੁਹਿੰਮ ਦੇ ਅਸਫਲ ਦੀ ਹੋਣ ਦੀ ਗੱਲ ਆਉਂਦੀ ਹੈ, ਉਥੇ ਹੀ ਪ੍ਰਵਾਸੀਆਂ ਦੁਆਰਾ ਝੁੱਗੀਆਂ ਨੂੰ ਬਨਾਉਣ ਦੇ ਮਾਮਲੇ ਵਿੱਚ ਰੇਲਵੇ ਅਧਿਕਾਰੀਆਂ ਦੀ ਕਾਰਗੁਜ਼ਾਰੀ ਵੀ ਸ਼ੱਕ ਦੇ ਘੇਰੇ ਵਿੱਚ ਆਉਂਦੀ ਹੈ ਕਿਉਂਕਿ ਇੱਕ ਵਾਰ ਉਪਰੋਕਤ ਰੇਲਵੇ ਅਧਿਕਾਰੀਆਂ ਦੁਆਰਾ ਝੁੱਗੀਆਂ ਵਿੱਚੋਂ ਉਠਾਏ ਉਪਰੋਕਤ ਪ੍ਰਵਾਸੀ ਆਪਣਾ ਡੇਰਾ ਫਿਰ ਪਹਿਲਾਂ ਵਾਲੀ ਜਗ•ਾ ਤੇ ਹੀ ਲਗਾ ਕੇ ਬੈਠ ਜਾਂਦੇ ਹਨ।                                                                                                                                                                      ਇਹਨਾਂ ਨੂੰ ਉਠਾਉਣ ਦੀ ਦੁਆਰਾ ਰੇਲਵੇ ਅਧਿਕਾਰੀਆਂ ਦੀ ਜੁਅੱਰਤ ਨਹੀਂ ਪੈਂਦੀ ਅਤੇ ਸੂਤਰਾਂ ਅਨੁਸਾਰ ਉਪਰੋਕਤ ਝੁੱਗੀਆਂ ਵਾਲਿਆਂ ਤੋਂ ਕੁੱਝ ਮੁਲਾਜ਼ਮ ਪੈਸੇ ਲੈ ਕੇ ਜੇਬ ਗਰਮ ਵੀ ਕਰਦੇ ਹਨ। ਇੱਥੇ ਹੀ ਜ਼ਿਕਰਯੋਗ ਹੈ ਕਿ ਕੁੱਝ ਦਿਨ ਪਹਿਲਾਂ ਹੀ ਬਠਿੰਡਾ ਰੇਲਵੇ ਵਿਭਾਗ ਦੁਆਰਾ ਪ੍ਰਵਾਸੀਆਂ ਨੂੰ ਰੇਲਵੇ ਵਿਭਾਗ ਲਈ ਖਤਰਾ ਸਮਝਦੇ ਹੋਏ ਤੇ ਕਬਜ਼ੇ ਹਟਾਉਣ ਲਈ ਉਠਾਉਣ ਦੀ ਮੁਹਿੰਮ ਚਲਾਈ ਗਈ ਸੀ ਅਤੇ ਬਠਿੰਡਾ ਓਵਰ ਬ੍ਰਿਜ ਦੇ ਹੇਠਾਂ ਸੈਂਕੜੇ ਦੇ ਕਰੀਬ ਝੁੱਗੀਆਂ ਨੂੰ ਢਾਹ ਦਿੱਤਾ ਸੀ। ਉਪਰੋਕਤ ਝੁੱਗੀਆਂ ਵਾਲੇ ਹੁਣ ਕੁੱਝ ਦਿਨਾਂ ਬਾਅਦ ਹੀ ਫਿਰ ਉਥੇ ਕਾਬਜ਼ ਹੋ ਗਏ ਹਨ ਅਤੇ ਆਪਣੀਆਂ ਝੁੱਗੀਆਂ ਨੂੰ ਬਣਾ ਲਈਆਂ ਹਨ। ਇਸ ਦੇ ਇਲਾਵਾ ਪਟਿਆਲਾ ਫਾਟਕ ਤੇ ਹੋਰ ਕਈ ਜਗ•ਾ ਤੋਂ ਇਹਨਾਂ ਲੋਕਾਂ ਨੂੰ ਉਠਾ ਦਿੱਤਾ ਗਿਆ ਸੀ।  
                                                                                                                                        ਰੇਲਵੇ ਕਲੋਨੀ ਦੇ ਕੁੱਝ ਲੋਕਾਂ ਦਾ ਆਖਣਾ ਹੈ ਕਿ ਉਪਰੋਕਤ ਲੋਕ ਰੇਲਵੇ ਦੇ ਨਜ਼ਦੀਕ ਰੇਲਵੇ ਦੀ ਜਗ•ਾ 'ਤੇ ਕਾਬਜ਼ ਤਾਂ ਹੋ ਜਾਂਦੇ ਹਨ ਅਤੇ ਉਪਰੋਕਤ ਵਿਅਕਤੀਆਂ ਦਾ ਨਾਮ, ਪਤਾ ਨਾ ਹੋਣ ਕਰਕੇ ਘਟਨਾ ਵਾਪਰਨ ਦਾ ਹਮੇਸ਼ਾ ਡਰ ਬਣਿਆ ਰਹਿੰਦਾ ਹੈ। ਉਪਰੋਕਤ ਝੁੱਗੀਆਂ ਬਣਾ ਕੇ ਰਹਿਣ ਵਾਲੇ ਵਿਅਕਤੀਆਂ ਵਿਚੋਂ ਕਈ ਤਾਂ ਅਪਰਾਧਕ ਕਿਸਮ ਦੇ ਹੁੰਦੇ ਹਨ ਅਤੇ ਇਹ ਆਪਣਾ ਟਿਕਾਣਾ ਲਗਾਤਾਰ ਬਦਲਦੇ ਰਹਿੰਦੇ ਹਨ। ਕੁੱਝ ਰੇਲਵੇ ਮੁਲਾਜ਼ਮਾਂ ਨੇ ਆਪਣਾ ਨਾਮ ਗੁਪਤ ਰੱਖਣ 'ਤੇ ਦੱਸਿਆ ਕਿ ਉਹ ਇਹਨਾਂ ਵਿਅਕਤੀਆਂ ਦੁਆਰਾ ਕੀਤੇ ਕਬਜ਼ਿਆਂ ਨੂੰ ਹਟਾਉਣ ਬਾਰੇ ਕਿਸ ਕੋਲ ਗੁਹਾਰ ਲਗਾਉਣ ਕਿਉਂਕਿ ਕੁੱਝ ਮੁਲਾਜ਼ਮ ਤਾਂ ਆਪਣੀ ਜੇਬ ਗਰਮ ਕਰਨ ਲਈ ਇਹਨਾਂ ਤੋਂ ਪੈਸੇ ਲੈ ਜਾਂਦੇ ਹਨ। 

                                                                                                                                       ਉਪਰੋਕਤ ਰੇਲਵੇ ਕਲੋਨੀ ਵਾਲਿਆਂ ਦਾ ਇਹ ਵੀ ਆਖਣਾ ਹੈ ਕਿ ਕੁੱਝ ਲੋਕ ਤਾਂ ਇੱਥੇ ਉਘੇ ਦਰੱਖਤਾਂ ਦੀ ਓਟ ਵਿੱਚ ਆਪਣੇ ਕਮਰੇ ਖੜ•ੇ ਕਰ ਲੈਂਦੇ ਹਨ ਅਤੇ ਬਿਜਲੀ ਦੇ ਕੁਨੈਕਸ਼ਨ ਸਿੱਧੇ ਖੰਭਿਆ ਨਾਲ ਜੋੜ ਲੈਂਦੇ ਹਨ। ਇਹਨਾਂ ਨੂੰ ਉਠਾਉਣ ਵਾਲਾ ਕੋਈ ਨਹੀਂ ਹੁੰਦਾ ਅਤੇ ਉਪਰੋਕਤ ਵਿਅਕਤੀਆਂ ਦੇ ਇੱਥੇ ਰਹਿਣ ਦਾ ਵੀ ਕਿਸੇ ਨੂੰ ਪਤਾ ਨਹੀਂ ਚੱਲਦਾ। ਦੂਜੇ ਪਾਸੇ ਇਹਨਾਂ ਲੋਕਾਂ ਦੇ ਕਾਰਣ ਰੇਲਵੇ ਕੁਆਰਟਰਾਂ ਦੇ ਨਜ਼ਦੀਕ ਗੰਦਗੀ ਵੀ ਫੈਲਦੀ ਰਹਿੰਦੀ ਹੈ। ਉਹਨਾਂ ਕਿਹਾ ਕਿ ਉਪਰੋਕਤ ਆਰਪੀਐਫ ਤੇ ਜੀਆਰਪੀ ਮੁਲਾਜ਼ਮਾਂ ਨੂੰ ਉਪਰੋਕਤ ਵਿਅਕਤੀਆਂ ਦਾ ਪਿਛੋਕੜ ਪਤਾ ਹੋਣਾ ਚਾਹੀਦਾ ਹੈ ਤਾਂ ਜੋ ਕੋਈ ਅਣਹੋਣੀ ਘਟਨਾ ਹੁੰਦੀ ਹੈ ਤਾਂ ਉਸ ਦਾ ਪਤਾ ਲੱਗ ਸਕੇ।                                                                                                                                                                                                                                                                    ਅਧਿਕਾਰੀਆਂ ਨੇ ਵੀ ਨਾ ਦਿੱਤਾ ਸਪੱਸ਼ਟ ਜਵਾਬ 
                                                                                                                                           ਇਸ ਮਾਮਲੇ ਵਿੱਚ ਸਟੇਸ਼ਨ ਸੁਪਰਡੰਟ ਪ੍ਰਦੀਪ ਸਿੰਘ ਨੇ ਸੰਪਰਕ ਕਰਨ 'ਤੇ ਉਪਰੋਕਤ ਮਾਮਲੇ ਵਿੱਚ ਆਰਪੀਐਫ ਅਧਿਕਾਰੀਆਂ ਨਾਲ ਗੱਲਬਾਤ ਕਰਨ ਲਈ ਕਿਹਾ। ਜਦ ਇਹ ਰੇਲਵੇ ਦੀ ਜ਼ਮੀਨ 'ਤੇ ਲਗਾਤਾਰ ਹੋ ਰਹੇ ਕਬਜ਼ਿਆਂ ਦੇ ਸਬੰਧ ਵਿੱਚ ਆਰਪੀਐਫ ਇੰਚਾਰਜ ਰਾਜੇਸ਼ ਰੋਹੇਲਾ ਨਾਲ ਗੱਲਬਾਤ ਕੀਤੀ ਤਾਂ ਉਹਨਾਂ ਵੀ ਮਾਮਲੇ ਨੂੰ ਟਾਲਦੇ ਹੋਏ ਕਿਹਾ ਕਿ ਇਹ ਇੰਜਨੀਅਰ ਵਿਭਾਗ ਨਾਲ ਸਬੰਧਤ ਅਧਿਕਾਰੀਆਂ ਦਾ ਕੰਮ ਹੈ। ਉਹਨਾਂ ਨੂੰ ਜਦ ਉੱਚ ਅਧਿਕਾਰੀਆਂ ਤੋਂ ਇਸ ਮਾਮਲੇ ਵਿੱਚ ਕੋਈ ਹੁਕਮ ਮਿਲਦੇ ਹਨ ਤਾਂ ਉਹਨਾਂ ਦੀ ਮਦਦ ਲਈ ਹੀ ਆਰਪੀਐਫ ਮੁਲਾਜ਼ਮ ਜਾਂਦੇ ਹਨ।                                                             
      ਕਬਜ਼ਿਆਂ ਨੂੰ ਹਟਾਉਣ ਦੇ ਮਾਮਲੇ ਵਿੱਚ ਜਦ ਸਬੰਧਤ ਵਿਭਾਗ ਦੇ ਅਧਿਕਾਰੀ ਏਆਈਐਨ ਰਮੇਸ਼ ਥਾਪਰ ਨਾਲ ਸੰਪਰਕ ਕੀਤਾ ਗਿਅ ਤਾਂ ਉਹਨਾਂ ਕਿਹਾ ਕਿ ਉਹ ਵੀ ਕੁੱਝ ਦਿਨ ਪਹਿਲਾਂ ਬਠਿੰਡਾ ਵਿੱਚ ਆਏ ਹਨ ਅਤੇ ਇਸ ਮਾਮਲੇ ਵਿੱਚ ਉਹਨਾਂ ਕੁੱਝ ਵੀ ਆਖਣ ਤੋਂ ਇਨਕਾਰ ਕਰ ਦਿੱਤਾ। ਉਹਨਾਂ ਕਿਹਾ ਕਿ ਉਹਨਾਂ ਦੇ ਉੱਚ ਅਧਿਕਾਰੀ ਹੀ ਇਸ ਮਾਮਲੇ ਬਾਰੇ ਕੁੱਝ ਦੱਸ ਸਕਦੇ ਹਨ।

ਸ਼ਤਾਬਦੀ ਐਕਸਪ੍ਰੈਸ ਨੂੰ ਹਰੀ ਝੰਡੀ ਦੇਣ ਆ ਰਹੇ ਰੇਲ ਮੰਤਰੀ ਨੇ ਮਹਿਕਮਾ ਅਧਿਕਾਰੀਆਂ ਸਾਹ ਸੂਤੇ

             ਦਿਨ ਰਾਤ ਲੀਪਾਪੋਚੀ ਲੱਗੇ ਰਹਿੰਦੇ ਹਨ ਅਧਿਕਾਰੀ ਤੇ ਕਰਮਚਾਰੀ 
              ਬਠਿੰਡਾ ਜੰਕਸ਼ਨ 'ਤੇ ਸ਼ਤਾਬਦੀ ਐਕਸਪ੍ਰੈਸ ਨੂੰ ਹਰੀ ਝੰਡੀ ਦਿਖਾਉਣ ਲਈ ਰੇਲ ਮੰਤਰੀ ਸਦਾਨੰਦ ਗੌੜਾ ਦੇ ਆਉਣ ਦੀ ਖਬਰ ਬਾਅਦ ਮਹਿਕਮਾ ਕੁੰਭਕਰਨੀ ਨੀਂਦ ਜਾਗਿਆ ਹੈ। ਵਿਭਾਗ ਵਿੱਚ ਫੈਲੀ ਗੰਦਗੀ ਤੇ ਹੋਈ ਅਸਥ ਵਿਅਸਥ ਸਥਿੱਤੀ ਨੂੰ ਹੁਣ ਮਹਿਕਮੇ ਦੇ ਅਧਿਕਾਰੀ ਤੇ ਕਰਮਚਾਰੀ ਠੀਕ ਕਰਕੇ ਰੇਲ ਮੰਤਰੀ ਦੀਆਂ ਝਿੜਕਾਂ ਤੋਂ ਬਚਣ ਦੀਆਂ ਤਿਆਰੀਆਂ ਵਿੱਚ ਜੁਟੇ ਹੋਏ ਹਨ। ਜਿੱਥੇ ਰੇਲਵੇ ਵਿਭਾਗ ਦੁਆਰਾ ਜੰਕਸ਼ਨ ਦੇ ਹਰ ਹਿੱਸੇ ਵਿੱਚ ਲੀਪਾਪੋਚੀ ਕਰਕੇ ਨਵੀਂ ਦੁਲਹਣ ਵਾਂਗ ਸਜਾਇਆ ਜਾ ਰਿਹਾ ਹੈ, ਉਥੇ ਹੀ ਜੰਕਸ਼ਨ ਨੂੰੰ ਚਮਕਾਉਣ ਅਤੇ ਰੇਲਵੇ ਮੰਤਰੀ ਤੋਂ ਸ਼ਾਬਾਸ਼ੇ ਲੈਣ ਲਈ ਰੇਲਵੇ ਮਹਿਕਮੇ ਦੇ ਉੱਚ ਅਧਿਕਾਰੀ ਵੀ ਕੋਈ ਕਸਰ ਬਾਕੀ ਨਾ ਰਹਿਣ ਲਈ ਪੂਰਾ ਜ਼ੋਰ ਲਗਾ ਰਹੇ ਹਨ। 

     
      ਇੱਥੇ ਹੀ ਰੇਲ ਮੰਤਰੀ ਤੇ ਜੀਐਮ ਦੀ ਆਮਦ ਮੌਕੇ ਰੇਲਵੇ ਵਿਭਾਗ ਦੇ ਅਧਿਕਾਰੀਆਂ ਦੁਆਰਾ ਅਚਾਨਕ ਕੁੰਭਕਰਨੀ ਨੀਂਦ ਤੋਂ ਜਾਗ ਕੇ ਜੰਕਸ਼ਨ ਨੂੰ ਨਵੀਂ ਦੁਲਹਣ ਵਾਂਗ ਸਜਾਉਣਾ ਸੁਆਲੀਆ ਨਿਸ਼ਾਨ ਲਗਾਉਂਦਾ ਹੈ ਕਿਉਂਕਿ ਉਪਰੋਕਤ ਜੰਕਸ਼ਨ ਦੀ ਸਾਫ ਸਫਾਈ ਜਾਂ ਲੋਕਾਂ ਨੂੰ ਸਹੂਲਤਾਂ ਦੇਣ ਦੀ ਰੱਤੀ ਭਰ ਵੀ ਪ੍ਰਵਾਹ ਦਿਖਾਈ ਨਹੀਂ ਦਿੰਦੀ। ਜਦਕਿ ਹੁਣ ਕੁੱਝ ਰੇਲਵੇ ਅਧਿਕਾਰੀਆਂ ਦਾ ਆਖਣਾ ਹੈ ਕਿ ਉਹਨਾਂ ਨੂੰ ਤਾਂ ਖੁਦ ਵੀ ਰੇਲਵੇ ਜੰਕਸ਼ਨ ਦੀ ਪਛਾਣ ਨਹੀਂ ਆ ਰਹੀ। 
 ਰੇਲਵੇ ਜੰਕਸ਼ਨ 'ਤੇ ਵਿਭਾਗ ਵੱਲੋਂ ਨਵਾਂ ਸਮਾਨ ਲਿਆਂਦਾ ਜਾ ਰਿਹਾ ਹੈ ਅਤੇ ਬਾਰੀਕੀ ਤੋਂ ਬਾਰੀਕੀ ਕੰਮ ਨੂੰ ਸੀਨੀਅਰ ਅਧਿਕਾਰੀ ਖੁਦ ਕੋਲ ਖੜ• ਕੇ ਕਰਵਾ ਰਹੇ ਹਨ। ਜਦੋਂਕਿ ਮੁਸਾਫਰਾਂ ਦੇ ਬੈਠਣ ਲਈ ਹਾਲੇ ਵੀ ਪੂਰਾ ਪ੍ਰਬੰਧ ਨਾ ਹੋਣ ਕਾਰਣ ਆਉਣ ਜਾਣ ਵਾਲੇ ਮੁਸਾਫਰਾਂ ਨੂੰ ਹੇਠਾਂ ਬੈਠ ਕੇ ਹੀ ਸਮਾਂ ਟਪਾਉਣਾ ਪੈਂਦਾ ਹੈ। 
    
     ਕਈ ਜਗ•ਾ 'ਤੇ ਹੋਏ ਖੱਡਿਆਂ ਨੂੰ ਭਰਿਆ ਜਾ ਰਿਹਾ ਹੈ ਅਤੇ ਉਡੀਕ ਘਰ ਵਿੱਚ ਐਲਈਡੀ ਮੁਸਾਫਰਾਂ ਨੂੰ ਦੇਖਣ ਲਈ ਅੱਜ ਲਗਾ ਦਿੱਤੀ ਗਈ ਹੈ। ਜਦੋਂਕਿ ਆਮ ਦਿਨਾਂ ਵਿੱਚ ਇਸ ਤਰ•ਾਂ ਦਾ ਖਿਆਲ ਆਮ ਲੋਕਾਂ ਲਈ ਰੇਲਵੇ ਵਿਭਾਗ ਦੁਆਰਾ ਰੱਖਿਆ ਜਰੂਰਤ ਹੀ ਨਹੀਂ ਸਮਝੀ ਜਾਂਦੀ। ਜਦਕਿ ਹੁਣ ਪਾਰਸਲ ਘਰ ਵਿੱਚ ਟਾਈਲਾਂ ਵੀ ਲਗਾਉਣੀਆਂ ਸ਼ੁਰੂ ਕਰ ਦਿੱਤੀਆਂ ਗਈਆਂ ਹਨ। ਇੱਥੇ ਹੀ ਜ਼ਿਕਰਯੋਗ ਹੈ ਕਿ ਕੁੱਝ ਮਹੀਨੇ ਪਹਿਲਾਂ ਜਦ ਸਾਬਕਾ ਵੀਕੇ ਸਿੰਘ ਬਠਿੰਡਾ ਵਿਖੇ ਦੌਰੇ 'ਤੇ ਪੁੱਜੇ ਸਨ ਤਾਂ ਉਸ ਸਮੇਂ ਵੀ ਉਪਰੋਕਤ ਰੇਲਵੇ ਵਿਭਾਗ ਦੇ ਅਧਿਕਾਰੀਆਂ ਵੱਲੋਂ ਜੰਕਸ਼ਨ ਨੂੰ ਇਕਦਮ ਲੀਪਾਪੋਚੀ ਕਰ ਨਵਾਂ ਬਣਾ ਦਿੱਤਾ ਗਿਆ ਸੀ ਪਰ ਉਸ ਦੇ ਬਾਅਦ ਫਿਰ ਪਹਿਲਾਂ ਵਾਲਾ ਹਾਲ ਹੀ ਦਿਖਾਈ ਦੇ ਰਿਹਾ ਸੀ। ਉਸ ਸਮੇਂ ਰੇਲਵੇ ਸੁਰੱਖਿਆ ਬਲ ਦੁਆਰਾ ਬਣਾਏ ਸਹਾਇਤਾ ਬੂਥ 'ਤੇ ਵੀ ਲੀਪਾਪੋਚੀ ਕਰਕੇ ਉਥੇ ਹੀ ਇੱਕ ਮਹਿਲਾ ਮੁਲਾਜ਼ਮ ਬਿਠਾ ਦਿੱਤੀ ਗਈ ਸੀ ਪਰ ਉਪਰੋਕਤ ਜੀਐਮ ਦੇ ਦੌਰੇ ਦੇ ਕੁੱਝ ਘੰਟਿਆਂ ਬਾਅਦ ਹੀ ਉਪਰੋਕਤ ਬੂਥ 'ਤੇ ਲੱਗਿਆ ਜ਼ਿੰਦਰਾ ਅੱਜ ਤੱਕ ਦੁਆਰਾ ਨਹੀਂ ਖੁਲਿ•ਆ। 

  
   ਆਰਪੀਐਫ ਅਧਿਕਾਰੀਆਂ ਤੋਂ ਪੁੱਛਣ 'ਤੇ ਜਵਾਬ ਅਸਾਮੀਆਂ ਦਾ ਖਾਲੀ ਪਿਆ ਹੋਣ ਕਰਕੇ ਕੋਈ ਮੁਲਾਜ਼ਮ ਨੂੰ ਉਪਰੋਕਤ ਬੂਥ 'ਤੇ ਨਹੀਂ ਬਿਠਾਇਆ ਜਾਣ ਦਾ ਮਿਲਦਾ ਹੈ। ਦੂਜੇ ਪਾਸੇ ਰੇਲਵੇ ਜੰਕਸ਼ਨ ਦੇ ਪਲੇਟਫਾਰਮ 'ਤੇ ਜਿੱਥੇ ਮੋਟਰਸਾਈਕਲ ਲਿਜਾਂਦੇ ਲੋਕ ਆਮ ਦੇਖੇ ਜਾ ਸਕਦੇ ਹਨ, ਉਥੇ ਹੀ ਕਈ ਮੁਸਾਫਰਾਂ ਦੁਆਰਾ ਪਾਰਕਿੰਗ ਰੇਲਵੇ ਪਲੇਟਫਾਰਮਾਂ 'ਤੇ ਕਰ ਦਿੱਤੀ ਜਾਂਦੀ ਹੈ। 


ਸੁਰੱਖਿਆ ਦਾ ਕੋਈ ਖਾਸ ਪ੍ਰਬੰਧ ਨਹੀਂ ਅਤੇ ਚਾਰੇ ਪਾਸੇ ਤੋਂ ਉਪਰੋਕਤ ਜੰਕਸ਼ਨ ਖੁਲ•ਾ ਹੋਣ ਕਾਰਣ ਕੋਈ ਵੀ ਮਾੜਾ ਅਨਸਰ ਅਸਾਨੀ ਨਾਲ ਪਲੇਟਫਾਰਮਾਂ 'ਤੇ ਆ ਜਾ ਸਕਦਾ ਹੈ। ਚਾਰ ਕੁ ਜੋ ਕੈਮਰੇ ਲੱਗੇ ਵੀ ਹੋਏ ਹਨ। ਉਹ ਵੀ ਪੁਰਾਣੇ ਹੋਣ ਕਰਕੇ ਰਿਪਲੇਅ ਨਹੀਂ ਦਿਖਾਉਂਦੇ। ਹੁਣ ਜਦ ਮੰਤਰੀ ਆ ਰਹੇ ਹਨ ਤਾਂ ਅਧਿਕਾਰੀਆਂ ਦੁਆਰਾ ਫਿਰ ਤੋਂ ਇੱਕ ਵਾਰ ਲੀਪਾਪੋਚੀ ਕਰਕੇ ਉਪਰੋਕਤ ਜੰਕਸ਼ਨ ਨੂੰ ਇਕਦਮ ਆਕਰਸ਼ਕ ਬਨਾਉਣ ਦੀਆਂ ਕੋਸ਼ਿਸਾਂ ਕੀਤੀਆਂ ਜਾ ਰਹੀਆਂ ਹਨ। 
                                                                                                                                              ਲੋ ਕਾਂ ਦਾ ਆਖਣਾ ਹੈ ਕਿ ਜੇਕਰ ਰੇਲਵੇ ਵਿਭਾਗ ਦੇ ਅਧਿਕਾਰੀਆਂ ਦੁਆਰਾ ਇਸ ਤਰ•ਾਂ ਹੀ ਹਮੇਸ਼ਾ ਚੁਸਤੀ ਫੁਰਤੀ ਦਿਖਾਈ ਜਾਵੇ ਤਾਂ ਆਮ ਮੁਸਫਰਾਂ ਨੂੰ ਜ਼ਿਆਦਾ ਸਹੂਲਤਾਂ ਮਿਲ ਸਕਦੀਆਂ ਹਨ।  

ਦੂਜੇ ਪਾਸੇ ਰੇਲਵੇ ਸੁਪਰਡੈਂਟ ਪ੍ਰਦੀਪ ਸ਼ਰਮਾ ਦਾ ਆਖਣਾ ਹੈ ਕਿ ਜੰਕਸ਼ਨ ਦੀਆਂ ਪੂਰੀਆਂ ਤਿਆਰੀਆਂ ਕੀਤੀਆਂ ਜਾ ਰਹੀਆਂ ਹਨ।

                                                              ਉਹਨਾਂ ਕਿਹਾ ਕਿ ਐਕਸੀਲੇਟਰ, ਪੌੜੀਆਂ ਦੀ ਚੌੜਾਈ, ਵਿਕਲਾਂਗਾ ਲਈ ਸਪੈਸ਼ਲ ਪਾਰਸਲ ਘਰ ਵਿੱਚੋਂ ਦੀ ਰਸਤਾ ਬਣਾਏ ਜਾਣ ਦੇ ਇਲਾਵਾ ਹੋਰ ਆਮ ਮੁਸਾਫਰਾਂ ਨੂੰ ਆ ਰਹੀਆਂ ਦਿੱਕਤਾਂ ਦੇ ਸਬੰਧ ਵਿੱਚ ਉਹ ਜਾਣੂ ਕਰਵਾਉਣਗੇ ਤਾਂ ਆਉਣ ਵਾਲੇ ਸਮੇਂ ਵਿੱਚ ਮੁਸਾਫਰਾਂ ਨੂੰ ਸਹੂਲਤਾਂ ਮਿਲ ਸਕਣ।

ਆਟੋ ਰਿਕਸ਼ਿਆਂ ਨੇ ਲੀਹੋਂ ਲਾਹੀ ਬਠਿੰਡਾ ਸ਼ਹਿਰ ਦੀ ਆਵਾਜਾਈ

       ਨਿਯਮਾਂ ਦੀਆਂ ਧੱਜੀਆਂ ਉਡਾ ਰਹੇ ਆਟੋ ਰਿਕਸ਼ਿਆਂ ਤੋਂ ਲੋਕ ਪ੍ਰੇਸ਼ਾਨ 
          ਆਮ ਲੋਕਾਂ ਦੇ ਚਲਾਨ ਕੱਟਣ ਵਾਲੀ ਬਠਿੰਡਾ ਟ੍ਰੈਫਿਕ ਪੁਲੀਸ ਨਿਯਮਾਂ ਦੀਆਂ ਧੱਜੀਆਂ ਉਡਾਉਣ ਤੇ ਆਵਾਜਾਈ ਵਿੱਚ ਵਿਘਨ ਪਾਉਣ ਵਾਲੇ ਆਟੋ ਚਾਲਕਾਂ ਦੇ ਅੱਗੇ ਬਠਿੰਡਾ ਟ੍ਰੈਫਿਕ ਪੁਲੀਸ ਬੇਬਸ ਨਜ਼ਰ ਆਉਂਦੀ ਹੈ। ਪੁਲੀਸ ਵਿਭਾਗ ਦੁਆਰਾ ਦਿੱਤੇ ਅੰਕੜਿਆਂ ਅਨੁਸਾਰ ਅਗਸਤ ਮਹੀਨੇ ਦੌਰਾਨ ਕਟੇ ਗਏ ਚਲਾਨਾਂ ਵਿੱਚ ਆਮ ਲੋਕਾਂ ਦੇ ਦੋ ਪਹੀਆ ਵਾਹਨਾਂ ਦੇ 937 ਚਲਾਨ ਕੱਟੇ ਗਏ ਹਨ, ਜਦੋਂਕਿ ਤਿੰਨ ਪਹੀਆ ਵਾਹਨਾਂ ਭਾਵ ਆਟੋਆਂ ਦੇ ਸਿਰਫ ਮਾਤਰ 80  ਚਲਾਨ ਹੀ ਕੱਟੇ ਗਏ ਹਨ। ਇਹਨਾਂ ਅੰਕੜਿਆਂ ਤੋਂ ਟ੍ਰੈਫਿਕ ਪੁਲੀਸ ਆਟੋ ਚਾਲਕਾਂ ਦੀ ਮਿਲੀਭੁਗਤ ਜੱਗ ਜਾਹਿਰ ਹੁੰਦੀ ਹੈ। ਟ੍ਰੈਫਿਕ ਪੁਲੀਸ ਅਨੁਸਾਰ ਭਾਵੇਂ ਆਟੋ ਚਾਲਕ ਵੱਧ ਤੋਂ ਵੱਧ ਪੰਜ ਸਵਾਰੀਆਂ ਹੀ ਪਿਛਲੀਆਂ ਸੀਟਾਂ 'ਤੇ ਬਿਠਾ ਸਕਦੇ ਹਨ ਪਰ ਆਟੋ ਚਾਲਕ ਨਿਯਮਾਂ ਨੂੰ ਛਿਕੇ ਢੰਗ ਕੇ ਅਕਸਰ ਜ਼ਿਆਦਾ ਸਵਾਰੀਆਂ ਬਿਠਾਈਆਂ ਦਿਖਾਈ ਦਿੰਦੇ ਹਨ ਅਤੇ ਨਿਯਮ ਦੇ ਉਲਟ ਅਗਲੀ ਸੀਟ 'ਤੇ ਵੀ ਸਵਾਰੀ ਬਿਠਾ ਲੈਂਦੇ ਹਨ। ਜਦੋਂਕਿ ਆਮ ਲੋਕਾਂ ਦੇ ਦੋ ਪਹੀਆ ਵਾਹਨ 'ਤੇ ਤਿੰਨ ਜਣਿਆਂ ਦੇ ਚੜ•ਨ 'ਤੇ ਤੁਰੰਤ ਚਲਾਨ ਕੱਟ ਦਿੱਤਾ ਜਾਂਦਾ ਹੈ।   
  

    ਲੋਕਾਂ ਦਾ ਆਖਣਾ ਹੈ ਕਿ ਹੌਂਸਲੇ ਆਟੋ ਚਾਲਕਾਂ ਦੇ ਇਸ ਕਦਰ ਬੁਲੰਦ ਹਨ ਕਿ ਆਟੋ ਰਿਕਸ਼ਾ ਚਾਲਕ ਨਿਯਮਾਂ ਦੀਆਂ ਧੱਜੀਆਂ ਉਡਾਉਂਦੇ ਹੋਏ ਬੜੀ ਬੇਤਰਤੀਬੇ ਢੰਗ ਨਾਲ ਦਰਜਨ ਦੇ ਕਰੀਬ ਆਟੋ ਰਿਕਸ਼ਾ ਖੜ•ੇ ਕਰ ਦਿੰਦੇ ਹਨ ਜਿਸ ਨਾਲ ਦੂਰ ਦਰਾਜ ਤੋਂ ਆਉਣ ਜਾਣ ਵਾਲੇ ਦੋ ਪਹੀਆ ਵਾਹਨਾਂ ਤੇ ਚਾਰ ਪਹੀਆ ਵਾਹਨਾਂ ਨੂੰ ਭਾਰੀ ਦਿੱਕਤਾ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਕਈ ਵਾਰ ਤਾਂ ਬੱਸ ਸਟੈਂਡ ਨਜ਼ਦੀਕ ਵੇਖਣ ਨੂੰ ਮਿਲਿਆ ਹੈ ਕਿ ਹਰੀ ਬੱਤੀ ਹੋਣ ਦੇ ਬਾਅਦ ਆਟੋ ਰਿਕਸ਼ਾ ਸਵਾਰੀਆਂ ਦੀ ਉਡੀਕ ਵਿੱਚ ਸੜਕ ਦੇ ਵਿਚਾਲੇ ਖੜ•ੇ ਹੋਣ ਕਰਕੇ  ਮਸਾਂ ਪੰਜ ਛੇ ਗੱਡੀਆਂ ਹੀ ਨਿਕਲ ਸਕਦੀਆਂ ਹਨ। 
  
   ਹਾਲਾਂਕਿ ਲਾਲ ਬੱਤੀ ਦੀ ਉਲੰਘਣਾ, ਮੁੱਖ ਮਾਰਗਾਂ 'ਤੇ ਵਾਹਨਾਂ ਨੂੰ ਤੇਜ਼ੀ ਨਾਲ ਓਵਰਟੇਕ ਕਰਕੇ ਕੱਢਣ ਦੀ ਕੋਸ਼ਿਸ, ਸਵਾਰੀ ਨੂੰ ਬਿਠਾਉਣ ਲਈ ਸੜਕ ਵਿਚਕਾਰ ਆਟੋ ਖੜ•ਾ ਕਰਨ, ਓਵਰ ਲੋਡ ਆਟੋ ਦੇ ਇਲਾਵਾ ਬੇਤਰਤੀਬੀ ਨਾਲ ਸੜਕ ਦੇ ਵਿਚਕਾਰ ਆਟੋਆਂ ਨੂੰ ਚਲਾਉਣਾ ਸ਼ਹਿਰ ਵਿੱਚ ਆਟੋ ਚਾਲਕਾਂ ਦਾ ਰੋਜ਼ਾਨਾ ਦਾ ਕੰਮ ਬਣਦਾ ਜਾ ਰਿਹਾ ਹੈ ਅਤੇ ਕਈ ਵਾਰ ਨਿਯਮਾਂ ਦੀ ਉਲੰਘਣਾ ਕਰਨ ਵਾਲੇ ਉਪਰੋਕਤ ਆਟੋ ਚਾਲਕਾਂ ਦੁਆਰਾ ਜਾ ਰਹੇ ਦੋ ਪਹੀਆ ਵਾਹਨਾਂ ਜਾਂ ਪੈਦਲ ਵਿਅਕਤੀਆਂ ਨੂੰ ਫੇਟ ਮਾਰਨ ਬਾਅਦ ਵੀ ਭਜਾ ਕੇ ਲੰਘਣ ਦੇ ਕਈ ਮਾਮਲੇ ਸਾਹਮਣੇ ਆਏ ਹਨ ਪਰ ਮੌਕੇ ਤੋਂ ਉਪਰੋਕਤ ਆਟੋ ਚਾਲਕ ਆਪਣਾ ਆਟੋ ਭਜਾਉਣ ਵਿੱਚ ਕਾਮਯਾਬ ਹੋ ਜਾਂਦੇ ਹਨ। 
   
     ਕਈ ਵਾਰ ਇਹਨਾਂ ਆਟੋ ਚਾਲਕਾਂ ਨੂੰ ਜੇਕਰ ਕਿਸੇ ਵਿਅਕਤੀ ਦੁਆਰਾ ਸੜਕ 'ਤੇ ਜਾਂਦੇ ਸਮੇਂ ਹੌਲੀ ਚਲਾਉਣ ਦਾ ਹੀ ਆਖ ਦਿੱਤਾ ਜਾਵੇ ਤਾਂ ਉਹ ਲੜਨ ਦੀ ਤਿਆਰੀ ਵਿੱਚ ਜਲਦ ਆ ਜਾਂਦੇ ਹਨ। ਸ਼ਹਿਰ ਵਿੱਚ ਹੋਈਆਂ ਅਜਿਹੀਆਂ ਲੜਾਈਆਂ ਵਿੱਚ ਕੁੱਝ ਮਾਮਲਿਆਂ ਵਿੱਚ ਵਿਅਕਤੀਆਂ ਦੇ ਹਸਪਤਾਲ ਪਹੁੰਚਣ ਦੇ ਮਾਮਲੇ ਵੀ ਕਈ ਵਾਰ ਸਾਹਮਣੇ ਆਏ ਹਨ। ਕਈ ਵਾਰ ਪੁਲੀਸ ਅਧਿਕਾਰੀ ਜਾਂ ਮੁਲਾਜ਼ਮ ਇਹਨਾਂ ਆਟੋ ਚਾਲਕਾਂ ਨੂੰ ਕਈ ਸਥਾਨਾਂ 'ਤੇ ਆਟੋ ਸਹੀ ਢੰਗ ਨਾਲ ਖੜ•ਾਉਣ ਦੀਆਂ ਹਦਾਇਤਾਂ ਵੀ ਦੇ ਦਿੰਦੇ ਹਨ ਪਰ ਉਪਰੋਕਤ ਆਟੋ ਚਾਲਕ ਪੁਲੀਸ ਦੀਆਂ ਹਦਾਇਤਾਂ ਨੂੰ ਦਰਕਿਨਾਰ ਕਰਕੇ ਬੇਤਰਤੀਬੇ ਢੰਗ ਨਾਲ ਆਟੋਆਂ ਨੂੰ ਫਿਰ ਕੁੱਝ ਸਮੇਂ ਬਾਅਦ ਪਹਿਲਾਂ ਦੀ ਤਰ•ਾਂ ਹੀ ਸੜਕ ਦੇ ਵਿਚਕਾਰ  ਖੜ•ਾ ਕਰਨ ਲੱਗ ਜਾਂਦੇ ਹਨ। ਬੱਸ ਸਟੈਂਡ ਦੇ ਇਲਾਵਾ ਰੇਲਵੇ ਸਟੇਸ਼ਨ, ਸਿਵਲ ਹਸਪਤਾਲ ਦੇ ਬਾਹਰ ਕਈ ਜਗ•ਾ 'ਤੇ ਖੜ•ਦੇ ਹਨ। 
 
       ਕੁੱਝ ਸਮਾਂ ਪਹਿਲਾਂ ਜ਼ਿਲ•ਾ ਟਰਾਂਸਪੋਰਟ ਦਫਤਰ ਤੋਂ  ਲਏ ਗਏ ਅੰਕੜਿਆਂ ਤੋਂ ਵੀ ਪਤਾ ਚੱਲਿਆ ਸੀ ਕਿ ਆਟੋ ਚਾਲਕਾਂ ਦੁਆਰਾ ਰਜਿਸਟ੍ਰੇਸ਼ਨ ਤਾਂ ਕਰਵਾ ਲਈ ਜਾਂਦੀ ਹੈ ਪਰ ਇਹਨਾਂ ਵਿੱਚੋਂ ਪਰਮਿਟ ਕੁੱਝ ਹੀ ਆਟੋ ਚਾਲਕ ਲੈਂਦੇ ਹਨ। ਸ਼ਹਿਰ ਵਿੱਚ ਕਈ ਆਟੋ ਚਾਲਕ ਬਿਨ•ਾਂ ਪਰਮਿਟ ਦੇ ਚੱਲ ਰਹੇ ਹਨ। 
 
      ਇਸ ਮਾਮਲੇ ਵਿੱਚ ਟ੍ਰੈਫਿਕ ਪੁਲੀਸ ਇੰਚਾਰਜ ਜਸਕਾਰ ਸਿੰਘ ਨੇ ਸੰਪਰਕ ਕਰਨ 'ਤੇ ਦੱਸਿਆ ਕਿ ਇਹਨਾਂ ਆਟੋ ਚਾਲਕਾਂ ਦੁਆਰਾ ਸਿਰਫ ਪੰਜ ਹੀ ਸਵਾਰੀਆਂ ਬਿਠਾਈਆਂ ਜਾ ਸਕਦੀਆਂ ਹਨ ਅਤੇ ਅੱਗੇ ਸਵਾਰੀ ਨਾ ਬਿਠਾਉਣ ਦੀ ਹਦਾਇਤ ਹੈ। ਬੱਸ ਅੱਡੇ ਦੇ ਨਜ਼ਦੀਕ ਪੁਲੀਸ ਮੁਲਾਜ਼ਮਾਂ ਦੀ ਡਿਊਟੀ ਲਗਾ ਕੇ ਜ਼ਿਆਦਾ ਆਟੋ ਰਿਕਸ਼ੇ ਨਾ ਖੜ•ੇ ਹੋਣ ਦਿੱਤੇ ਜਾਣ ਦੀਆਂ ਹਦਾਇਤਾਂ ਦਿਤੀਆਂ ਹੋਈਆਂ ਹਨ ਅਤੇ ਉਥੇ ਜ਼ਿਆਦਾ ਆਟੋ ਰਿਕਸ਼ੇ ਨਹੀਂ ਖੜ•ਨ ਦਿੱਤੇ ਜਾਂਦੇ ਕਦੇ ਕਦਾਈ ਆਉਂਦੇ ਜਾਂਦੇ ਆਟੋ ਰਿਕਸ਼ਾ ਜਰੂਰ ਖੜ• ਜਾਂਦੇ ਹਨ। ਉਹਨਾਂ ਕਿਹਾ ਕਿ ਆਟੋ ਰਿਕਸ਼ਾ ਨਾਲ ਆਵਾਜਾਈ ਪ੍ਰਭਾਵਿਤ ਨਾ ਹੋਣ ਤੋਂ ਰੋਕਣ ਲਈ ਆਟੋ ਰਿਕਸ਼ਿਆਂ ਦੇ ਚਲਾਨ ਲਗਾਤਾਰ ਕੱਟੇ ਜਾ ਰਹੇ ਹਨ ਅਤੇ ਆਟੋ ਰਿਕਸ਼ਿਆਂ ਵਿੱਚ ਕੋਈ ਹਥਿਆਰ ਆਦਿ ਨਾ ਰੱਖੇ ਪ੍ਰਤੀ ਵੀ ਪੂਰ•ੀ ਨਿਗਰਾਣੀ ਰੱਖੀ ਜਾ ਰਹੀ ਹੈ।

ਪਸ਼ੂਆਂ ਅੱਡਾ ਬਣਦੀ ਜਾ ਰਹੀ ਸਬਜ਼ੀ ਮੰਡੀ, ਮੀਂਹ ਆਉਣ 'ਤੇ ਪਾਣੀ ਵਿੱਚ ਤੈਰਦੀਆਂ ਹਨ ਸਬਜ਼ੀਆਂ

                  ਪੀਣ ਵਾਲੇ ਪਾਣੀ, ਬਿਜਲੀ ਤੇ ਲਾਈਟਾਂ ਦੀ ਸਹੂਲਤ ਲਈ ਵੀ ਤਰਸ ਰਹੇ ਫੜ•ੀਆਂ ਵਾਲੇ
                             ਬਠਿੰਡਾ ਸਬਜ਼ੀ ਮੰਡੀ ਹੋਈ ਅਧਿਕਾਰੀਆਂ ਦੀ ਅਣਗਹਿਲੀ ਦਾ ਸ਼ਿਕਾਰ 

    ਸਬਜ਼ੀ ਮੰਡੀ ਬਠਿੰਡਾ ਜਿੱਥੇ ਸਬੰਧਤ ਅਧਿਕਾਰੀਆਂ ਦੀ ਅਣਗਹਿਲੀ ਦਾ ਸ਼ਿਕਾਰ ਹੋ ਕੇ ਰਹਿ ਗਈ ਹੈ, ਉਥੇ ਹੀ ਫੜ•ੀਆਂ ਵਾਲੇ ਸਬਜ਼ੀ ਵਿਕਰੇਤਾ ਤੇ ਸਬਜ਼ੀ ਖਰੀਦਣ ਆਉਣ ਵਾਲੇ ਲੋਕਾਂ ਨੂੰ ਸਬਜ਼ੀ ਮੰਡੀ ਵਿੱਚ ਨਰਕ ਭਰੀ ਸਥਿੱਤੀ ਵਿੱਚੋਂ ਲੰਘਣਾ ਪੈ ਰਿਹਾ ਹੈ। ਫੜ•ੀਆਂ ਅਤੇ ਰੇਹੜੀਆਂ ਵਾਲੇ ਸਬਜ਼ੀ ਮੰਡੀ ਵਿੱਚ ਆਪਣੀ ਮਨਮਰਜ਼ੀ ਦੇ ਰੇਟ ਲਗਾਉਣ ਵਿੱਚ ਜਿੱਥੇ ਮਸ਼ਰੂਫ ਰਹਿੰਦੇ ਹਨ, ਉਥੇ ਹੀ ਅਧਿਕਾਰੀ ਇਸ ਪ੍ਰਤੀ ਲਾਪ੍ਰਵਾਹ ਹੋਏ ਗੂੜੀ ਨੀਂਦਰ ਸੁੱਤੇ ਪਏ ਹਨ। 

photo by pawan

     ਸਬਜ਼ੀ ਜਾਂ ਫਲ ਖਰੀਦਣ ਸਸਤੇ ਭਾਅ ਖਰੀਦਣ ਦੀ ਆਸ ਨਾਲ ਆਉਂਦੇ ਲੋਕਾਂ ਦੀਆਂ ਆਸਾਂ ਨੂੰ ਬੂਰ ਨਹੀਂ ਪੈਂਦਾ। ਜਿਥੇ ਮਹਿੰਗੀਆਂ ਸਬਜ਼ੀਆਂ ਬਠਿੰਡਾ ਵਾਸੀਆਂ ਮਿਲਦੀਆਂ ਹਨ, ਉਥੇ ਹੀ ਮੰਡੀ ਵਿੱਚ ਲੱਗੇ ਅੱਡਿਆਂ 'ਤੇ ਹੀ ਅਵਾਰਾ ਪਸ਼ੂ ਮੂੰਹ ਮਾਰਦੇ ਨਜ਼ਰੀ ਆਉਂਦੇ ਹਨ। ਕਈ ਵਾਰ ਤਾਂ ਅਚਾਨਕ ਮੰਡੀ ਵਿੱਚ ਇਹਨਾਂ ਪਸ਼ੂਆਂ ਦੇ ਘੁਸਣ ਕਾਰਣ ਅਫਰਾ ਦਫੜੀ ਦਾ ਮਾਹੌਲ ਬਣ ਜਾਂਦਾ ਹੈ। ਮੀਂਹ ਪੈਣ 'ਤੇ ਤਾਂ ਹੋਰ ਵੀ ਮੰਡੀ ਵਿੱਚ ਦਿੱਕਤਾਂ ਖੜ•ੀਆਂ ਹੋ ਜਾਂਦੀਆਂ ਹਨ ਅਤੇ ਪਾਣੀ ਭਰ ਜਾਂਦਾ ਹੈ।


     ਜਮਹੂਰੀ ਅਧਿਕਾਰ ਸਭਾ ਦੇ ਆਗੂ ਬੱਗਾ ਸਿੰਘ ਦਾ ਆਖਣਾ ਸੀ ਕਿ ਸ਼ਹਿਰ ਵਾਸੀਆਂ ਦੀ ਸਹੂਲਤ ਲਈ ਸਬਜ਼ੀ ਮੰਡੀ ਬਣਾਈ ਗਈ ਹੈ ਪਰ ਬਠਿੰਡਾ ਦੀ ਸਬਜ਼ੀ ਮੰਡੀ ਵਿੱਚ ਫੜ•ੀਆਂ ਵਾਲਿਆਂ ਦੀ ਇਸ ਤਰ•ਾਂ ਮਾੜੀ ਹਾਲਤ ਵਿੱਚ ਹੋਣਾ ਸਬੰਧਤ ਅਧਿਕਾਰੀਆਂ ਦੀ ਕਾਰਗੁਜ਼ਾਰੀ 'ਤੇ ਸੁਆਲੀਆ ਨਿਸ਼ਾਨ ਲਗਾਉਂਦਾ ਹੈ। ਆਮ ਲੋਕਾਂ ਦੀਆਂ ਰੋਜ਼ਮਰ•ਾ ਦੀਆਂ ਜਰੂਰਤਾਂ ਵਿੱਚ ਕੰਮ ਆਉਣ ਵਾਲੀਆਂ ਸਬਜ਼ੀਆਂ ਅਤੇ ਫਲਾਂ ਨੂੰ ਸਬਜ਼ੀ ਮਾਲਕਾਂ ਦੁਆਰਾ ਹੇਠਾਂ ਹੀ ਲਗਾਇਆ ਹੋਇਆ ਹੈ ਅਤੇ ਸਬਜ਼ੀਆ ਤੇ ਮੂੰਹ ਮਾਰਦੇ ਪਸ਼ੂਆਂ ਦਾ ਕੋਈ ਹੱਲ ਕਰਨ ਸਬੰਧੀ ਅਧਿਕਾਰੀਆਂ ਦੁਆਰਾ ਲਾਪ੍ਰਵਾਹੀ ਵਰਤੀ ਜਾਂਦੀ ਦਿਖਾਈ ਦੇ ਰਹੀ ਹੈ। ਜੇਕਰ ਸਬਜ਼ੀ ਵੇਚਣ ਵਾਲੇ ਅੱਡੇ ਮਾਲਕਾਂ ਦੁਆਰਾ ਇਹ ਪਸ਼ੂਆਂ ਨੂੰ ਭਜਾਉਣ ਦੀ ਕੋਸ਼ਿਸ ਕੀਤੀ ਜਾਂਦੀ ਹੈ ਤਾਂ ਸਬਜ਼ੀ ਖਰੀਦਣ ਵਾਲੇ ਆਏ ਲੋਕਾਂ ਵਿੱਚ ਹਫਡਾ ਦਫੜੀ ਦਾ ਮਾਹੌਲ ਬਣ ਜਾਂਦਾ ਹੈ। ਜਿਸ ਦੇ ਕਾਰਣ ਕੋਈ ਅਣਹੋਣੀ ਘਟਨਾ ਵੀ ਵਾਪਰ ਸਕਦੀ ਹੈ। ਕਈ ਜਗ•ਾ ਸ਼ੈਡ ਨਾ ਹੋਣ ਕਾਰਣ ਅੱਡੇ ਲਗਾਉਣ ਵਾਲੇ ਸਬਜ਼ੀ ਮਾਲਕਾਂ ਨੂੰ ਮੀਂਹ ਆਉਣ 'ਤੇ ਆਪਣੇ ਅੱਡੇ ਚੁੱਕਣੇ ਪੈਂਦੇ ਹਨ, ਜਦੋਂਕਿ ਮੰਡੀ ਵਿੱਚ ਅੱਡੇ ਲਗਾਉਣ ਵਾਲੇ ਇਹਨਾਂ ਲੋਕਾਂ ਲਈ ਕੋਈ ਵੀ ਉੱਚੇ ਥੜੇ ਨਹੀਂ ਬਣਾਏ ਗਏ ਹਨ। ਫੜ•ੀਆਂ ਵਾਲਿਆਂ ਦੀਆਂ ਸਬਜ਼ੀਆਂ ਮੀਂਹ ਆਉਣ 'ਤੇ ਪਾਣੀ ਵਿੱਚ ਤੈਰਨ ਲੱਗਦੀਆਂ ਹਨ।

   
     ਲੋਕਾਂ ਦਾ ਆਖਣਾ ਸੀ ਕਿ ਮਨਮਰਜ਼ੀ ਦੇ ਲਗਾਏ ਜਾ ਰੇਟਾਂ 'ਤੇ ਪ੍ਰਸ਼ਾਸਨ ਜਾਂ ਮਾਰਕੀਟ ਕਮੇਟੀ ਦਾ ਕੰਟਰੋਲ ਹੋਣਾ ਚਾਹੀਦਾ ਹੈ ਪਰ ਇਹਨਾਂ ਨੂੰ ਪੁੱਛਣ ਵਾਲਾ ਕੋਈ ਨਹੀਂ ਹੈ। ਫੜ•ੀ ਅਤੇ ਰੇਹੜੀ ਵਾਲੇ ਪਾਸੇ ਜਾਂ ਸਬਜ਼ੀ ਮੰਡੀ ਵਿੱਚ ਹੀ ਸਬਜ਼ੀਆਂ ਦੇ ਕੋਈ ਰੇਟਾਂ ਦਾ ਕੋਈ ਬੋਰਡ ਨਹੀਂ ਲਗਾਇਆ ਗਿਆ। ਸਬਜ਼ੀ ਮੰਡੀ ਵਿੱਚ ਲਾਈਟ, ਪੀਣ ਵਾਲੇ ਪਾਣੀ ਦਾ ਪ੍ਰਬੰਧ ਨਾ ਹੋਣ ਵੀ ਵੱਡੀ ਸਮੱਸਿਆ ਹੈ ਅਤੇ ਇਸ ਦੇ ਇਲਾਵਾ ਸਿਹਤ ਵਿਭਾਗ ਦੁਆਰਾ ਸਬਜ਼ੀ ਮੰਡੀ ਵਿੱਚ ਵੇਚੇ ਜਾ ਰਹੇ ਫਲਾਂ ਅਤੇ ਸਬਜ਼ੀਆਂ ਦਾ ਕੋਈ ਨਿਰੀਖਣ ਨਹੀਂ ਕੀਤਾ ਜਾਂਦਾ। ਸਬਜ਼ੀ ਮੰਡੀ ਵਿੱਚ ਕਈ ਜਗ•ਾ ਸੜਕਾਂ ਦੇ ਟੁੱਟਣ ਕਾਰਣ ਚਿੱਕੜ ਹੋਇਆ ਰਹਿੰਦਾ ਹੈ ਅਤੇ ਝੁੰਡਾਂ ਦੇ ਝੁੰਡ ਅਵਾਰਾ ਪਸ਼ੂ ਫਿਰਦੇ ਰਹਿੰਦੇ ਹਨ। ਇਹਨਾਂ ਪਸ਼ੂਆਂ ਕਾਰਣ ਕਦੇ ਵੀ ਕੋਈ ਅਣਹੋਣੀ ਹੋ ਸਕਦੀ ਹੈ ਅਤੇ ਕੋਈ ਹਾਦਸਾ ਹੋ ਸਕਦਾ ਹੈ। 
     
      ਫੜ•ੀਆਂ ਅਤੇ ਰੇਹੜੀਆਂ ਵਾਲਾ ਦਾ ਆਖਣਾ ਸੀ ਕਿ ਉਹਨਾਂ ਨੂੰ ਕਈ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਪਾਣੀ ਦਾ ਕੋਈ ਪ੍ਰਬੰਧ ਨਹੀਂ ਹੈ। ਗਰਮੀ ਵਿੱਚ ਆਮ ਲੋਕਾਂ ਨੂੰ ਅਤੇ ਫੜ•ੀ ਵਾਲਿਆਂ ਨੂੰ ਪਾਣੀ ਪੀਣ ਦੀ ਬੜੀ ਦਿੱਕਤ ਆਉਂਦੀ ਹੈ। ਸਫਾਈ ਦਾ ਕੋਈ ਪ੍ਰਬੰਧ ਨਹੀਂ ਹੈ ਅਤੇ ਇਹ ਖੁਲ•ਾ ਕਾਰਣ ਅਕਸਰ ਹੀ ਪਸ਼ੂ ਆ ਜਾਂਦੇ ਹਨ। ਉਹਨਾਂ ਕਿਹਾ ਕਿ ਉਹਨਾਂ ਦੇ ਇੱਥੇ ਬੈਠਣ ਦੀ ਫੀਸ ਅਧਿਕਾਰੀਆਂ ਵੱਲੋਂ ਲਈ ਜਾਂਦੀ ਹੈ ਅਤੇ ਆ ਰਹੀਆਂ ਸਮੱਸਿਆਵਾਂ ਬਾਰੇ ਵੀ ਅਧਿਕਾਰੀ ਸਭ ਕੁੱਝ ਜਾਣਦੇ ਹਨ ਪਰ ਉਹਨਾਂ ਨੂੰ ਕੋਈ ਸਹੂਲਤ ਨਹੀਂ ਦਿੱਤੀ ਜਾਂਦੀ। ਉਹਨਾਂ ਦਾ ਆਖਣਾ ਸੀ ਕਿ ਕੋਲਡ ਸਟੋਰ ਬਣਾ ਕੇ ਉਹਨਾਂ ਨੂੰ ਉਥੋਂ ਉਠਾ ਕੇ ਇਧਰ ਭੇਜ ਦਿੱਤਾ ਗਿਆ। ਇਸ ਨਾਲ ਉਹਨਾਂ ਨੂੰ ਸ਼ਹਿਰ ਵਿੱਚੋਂ ਪਿੰਡ ਵਿੱਚ ਆ ਗਏ ਪ੍ਰਤੀਤ ਹੋ ਰਹੇ ਹਨ।
    
     ਇਸ ਦੇ ਇਲਾਵਾ ਲੋਕਾਂ ਦਾ ਆਖਣਾ ਸੀ ਕਿ ਕੋਲਡ ਸਟੋਰ ਦੇ ਸਾਹਮਣੇ ਵਾਲੀ ਸੜਕ ਵੀ ਮੀਂਹ ਆਉਣ 'ਤੇ ਪਾਣੀ ਨਾਲ ਭਰ ਜਾਂਦੀ ਹੈ ਅਤੇ ਇਸ ਦੇ

ਇਲਾਵਾ ਮੰਡੀ ਵਿੱਚ ਸਬਜ਼ੀਆਂ ਲਿਆਉਣ ਵਾਲੇ ਵਾਹਨ ਵੀ ਇਸੇ ਸੜਕ 'ਤੇ ਖੜ•ਨ ਕਾਰਣ ਸਬਜ਼ੀ ਖਰੀਦਣ ਆਉਣ ਵਾਲੇ ਲੋਕਾਂ ਨੂੰ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
  
       ਮਾੜੀਆਂ ਸਬਜ਼ੀਆਂ ਤੇ ਫਲ ਵਿਕਣ ਦੇ ਮਾਮਲੇ ਵਿੱਚ ਜ਼ਿਲ•ਾ ਸਿਹਤ ਅਫਸਰ ਦਾ ਆਖਣਾ ਸੀ ਕਿ ਉਹ ਹਫਤੇ ਵਿੱਚ ਇੱਕ ਜਾਂ ਦੋ ਵਾਰ ਸਬਜ਼ੀਆਂ ਅਤੇ ਫਲਾਂ ਬਾਰੇ ਨਿਰੀਖਣ ਕਰਦੇ ਹਨ।                                                                                                       ਜ਼ਿਲ•ਾ ਮੰਡੀ ਅਫਸਰ ਕੁਲਦੀਪ ਸਿੰਘ ਨੇ ਸੰਪਰਕ ਕਰਨ 'ਤੇ ਦੱਸਿਆ ਕਿ ਸਬਜ਼ੀ ਮੰਡੀ ਵਿੱਚ ਆ ਰਹੀਆਂ ਲੋਕਾਂ ਅਤੇ ਸਬਜ਼ੀ ਵਿਕਰੇਤਾਵਾਂ ਨੂੰ ਆ ਰਹੀਆਂ ਸਮੱਸਿਆਵਾਂ ਵੱਲ ਧਿਆਨ ਦੇਣਗੇ ਅਤੇ ਇਹਨਾਂ ਨੂੰ ਹੱਲ ਕਰਵਾਉਣਗੇ।

ਪਾਣੀ ਦੀ ਨਿਕਾਸੀ: ਮੰਤਰੀਆਂ ਨੇ ਲਾਰਿਆਂ ਨਾਲ ਹੀ ਸਾਰਿਆ

ਉਪ ਮੁੱਖ ਮੰਤਰੀ ਦੇ ਵਾਅਦੇ ਬਾਅਦ ਵੀ ਸਿਰਕੀ ਬਜ਼ਾਰ ਦੀ ਗੰਦੇ ਪਾਣੀ ਦੀ ਨਿਕਾਸੀ ਦੀ ਸਮੱਸਿਆ ਜਿਉਂ ਦੀ ਤਿਉਂ  
   
       ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਅਤੇ ਕੇਂਦਰੀ ਮੰਤਰੀ ਬੀਬੀ ਹਰਸਿਮਰਤ ਕੌਰ ਬਾਦਲ ਦੁਆਰਾ ਸਿਰਕੀ ਬਜ਼ਾਰ ਦੇ ਲੋਕਾਂ ਨੂੰ ਖੜ•ਦੇ ਗੰਦੇ ਪਾਣੀ ਦੀ ਨਿਕਾਸੀ ਦੀ ਸਮੱਸਿਆ ਤੋਂ ਨਿਜਾਤ ਦਿਵਾਉਣ ਦੇ ਕੀਤੇ ਵਾਅਦੇ ਨੂੰ ਹਾਲੇ ਤੱਕ ਬੂਰ ਨਹੀਂ ਪਿਆ ਹੈ। ਲੰਬੇ ਸਮੇਂ ਬਾਅਦ ਵੀ ਹਾਲੇ ਤੱਕ ਸਿਰਕੀ ਬਜ਼ਾਰ ਤੇ ਗਊਸ਼ਾਲਾ ਦੇ ਨਜ਼ਦੀਕ ਰਹਿਣ ਵਾਲੇ ਲੋਕਾਂ ਤੇ ਦੁਕਾਨਾਂ ਚਲਾਉਣ ਵਾਲੇ ਦੁਕਾਨਦਾਰਾਂ ਨੂੰ ਬਰਸਾਤੀ ਮੌਸਮ ਵਿੱਚ ਪਾਣੀ ਦੀ ਨਿਕਾਸੀ ਦੇ ਸੁਚੱਜੇ ਪ੍ਰਬੰਧ ਨਾ ਹੋਣ ਕਾਰਣ ਕਈ ਕਈ ਫੁੱਟ ਖੜ•ਦੇ ਪਾਣੀ ਕਾਰਣ ਜਿੱਥੇ ਜਿਉਣਾ ਦੁੱਭਰ ਹੋਇਆ ਪਿਆ ਹੈ, ਉਥੇ ਹੀ ਨਾ ਤਾਂ ਹਾਲੇ ਤੱਕ ਮੰਤਰੀਆਂ ਦੁਆਰਾ ਕੀਤੇ ਵਾਅਦੇ ਪੂਰੇ ਹੋਏ ਹਨ ਅਤੇ ਨਾ ਹੀ ਨਗਰ ਨਿਗਮ ਦੁਆਰਾ ਪੂਰ•ੀ ਤਰ•ਾਂ ਇਸ ਵੱਲ ਧਿਆਨ ਦਿੱਤਾ ਜਾ ਰਿਹਾ ਹੈ। ਇਸ ਬਜ਼ਾਰ ਦੇ ਲੋਕ ਆਪਣਾ ਰੌਣਾ ਰੌਂਦੇ ਹੋਏ ਕਦੇ ਤਾਂ ਮੰਤਰੀਆਂ ਨੂੰ ਅਤੇ ਕਦੇ ਨਗਰ ਨਿਗਮ ਅਧਿਕਾਰੀਆਂ ਨੂੰ ਕੋਸਦੇ ਨਜ਼ਰ ਆਉਂਦੇ ਹਨ ਅਤੇ ਸਮੱਸਿਆ ਨੂੰ ਹੱਲ ਕਰਨ ਦੀ ਮੰਗ ਵੀ ਕਰਦੇ ਹਨ। 

   

 ਸਿਰਕੀ ਬਜ਼ਾਰ ਐਸੋਸੀਏਸ਼ਨ ਦੇ ਪ੍ਰਧਾਨ ਸੁਨੀਲ ਕੁਮਾਰ ਗੋਰਾ ਤੇ ਜਨਰਲ ਸੈਕਟਰੀ ਘਨਸ਼ਾਮ ਗਰਗ ਦਾ ਆਖਣਾ ਸੀ ਕਿ ਕਈ ਸਾਲਾਂ ਤੋਂ ਲੋਕਾਂ ਨੂੰ ਇਸ ਕਈ ਕਈ ਫੁੱਟ ਖੜ•ਦੇ ਪਾਣੀ ਦੀ ਸਮੱਸਿਆ ਨਾਲ ਦੋ ਚਾਰ ਹੋਣਾ ਪੈ ਰਿਹਾ ਹੈ ਪਰ ਨਗਰ ਨਿਗਮ ਅਧਿਕਾਰੀਆਂ ਦੁਆਰਾ ਇਸ ਸਮੱਸਿਆ ਨੂੰ ਬੱਸ ਸਿਰਫ ਹੱਲ ਕਰਨ ਦੇ ਵਾਅਦੇ ਹੀ ਕੀਤੇ ਜਾਂਦੇ ਹਨ। ਇਹਨਾਂ ਨੂੰ ਪੂਰਾ ਨਹੀਂ ਕੀਤਾ ਜਾਂਦਾ।

     ਉਹਨਾਂ ਕਿਹਾ ਕਿ ਜਦ ਵੀ ਬਰਸਾਤਾਂ ਦਾ ਮੌਸਮ ਆਉਂਦਾ ਹੈ ਅਤੇ ਸ਼ਹਿਰ ਦੀਆਂ ਸਾਰੀਆਂ ਨੀਵੀਆਂ ਜਗ•ਾ ਵਿੱਚ ਖੜ•ਨ ਵਾਲੇ ਪਾਣੀ ਨਾਲੋਂ ਜ਼ਿਆਦਾ ਪਾਣੀ ਇੱਥੇ ਖੜ•ਦਾ ਹੈ। ਸਿਰਕੀ ਬਜ਼ਾਰ ਵਿੱਚ ਬਿਜਲੀ ਬੋਰਡ ਦੇ ਦਫਤਰ ਆਮ ਲੋਕਾਂ ਨੂੰ ਗੋਡਿਆਂ ਗੋਡਿਆਂ ਤੱਕ ਖੜ•ੇ ਪਾਣੀ ਵਿੱਚੋਂ ਦੀ ਗੁਜ਼ਰ ਕੇ ਪੁੱਜਣਾ ਪੈਂਦਾ ਹੈ, ਜਦੋਂਕਿ ਖਾਲਸਾ ਸੀਨੀਅਰ ਸੈਕੰਡਰੀ ਸਕੂਲ ਵਿੱਚ ਆਉਣ ਵਾਲੇ ਵਿਦਿਆਰਥੀਆਂ ਕਾਫੀ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਇਸ ਦੇ ਇਲਾਵਾ ਗਊਸ਼ਾਲਾ ਵਿੱਚ ਆਉਣ ਵਾਲੇ ਲੋਕਾਂ ਨੂੰ ਗਊਸ਼ਾਲਾ ਅੱਗੇ ਖੜ•ੇ ਪਾਣੀ ਕਾਰਣ ਸਮੱਸਿਆਵਾਂ ਨਾਲ ਜੱਦੋਜਹਿਦ ਕਰਨੀ ਪੈਂਦੀ ਹੈ। 

    ਉਹਨਾਂ ਕਿਹਾ ਕਿ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਅਤੇ ਕੇਂਦਰੀ ਮੰਤਰੀ ਤੇ ਮੈਂਬਰ ਪਾਰਲੀਮੈਂਟ ਬੀਬੀ ਹਰਸਿਮਰਤ ਕੌਰ ਬਾਦਲ ਦੇ ਇਲਾਵਾ ਨਗਰ ਨਿਗਮ ਅਧਿਕਾਰੀਆਂ ਨਾਲ ਵੀ ਇਸ ਖੜ•ਦੇ ਪਾਣੀ ਦੀ ਸਮੱਸਿਆ ਦੇ ਸਬੰਧ ਵਿੱਚ ਕਈ ਵਾਰ ਗੱਲਬਾਤ ਹੋ ਚੁੱਕੀ ਹੈ। ਲੋਕਾਂ ਦੀ ਇਸ ਵੱਡੀ ਸਮੱਸਿਆ ਨੂੰ ਹੱਲ ਕਰਨ ਦਾ ਵਾਅਦਾ ਮੰਤਰੀ ਤੇ ਅਧਿਕਾਰੀ ਅਕਸਰ ਕਰਦੇ ਹਨ ਪਰ ਇਸ ਨੂੰ ਪੂਰਾ ਕਰਨ ਵੱਲ ਕਦੇ ਧਿਆਨ ਨਹੀਂ ਦਿੱਤਾ ਗਿਆ। ਉਹਨਾਂ ਇਹ ਵੀ ਕਿਹਾ ਕਿ ਲਾਈਨੋ ਪਾਰ ਇਲਾਕੇ ਵਿੱਚ ਡਿਸਪੋਜਲ ਬਣਾਇਆ ਜਾਣਾ ਸੀ ਪਰ ਉਹ ਹਾਲੇ ਤੱਕ ਪੂਰਾ ਨਹੀਂ ਹੋਇਆ। ਜਿਸ ਕਾਰਣ ਕਈ ਨਗਰਾਂ ਦਾ ਪਾਣੀ ਇੱਥੇ ਹੀ ਇਕੱਠਾ ਹੋ ਜਾਂਦਾ ਹੈ। ਇਸ ਦੇ ਇਲਾਵਾ ਗੰਦੇ ਨਾਲੇ ਦੀ ਸਫਾਈ ਵੀ ਸਹੀ ਢੰਗ ਨਾਲ ਨਾ ਹੋਣ ਕਾਰਣ ਉਹ ਬੈਕ ਮਾਰਨ ਲੱਗਦਾ ਹੈ। ਇਸ ਕਾਰਣ ਪਾਣੀ ਗਊਸ਼ਾਲਾ ਰੋਡ 'ਤੇ ਖੜ•ਾ ਹੋ ਜਾਂਦਾ ਹੈ। 

   ਗਊਸ਼ਾਲਾ ਰੋਡ ਦੇ ਨਜ਼ਦੀਕ ਰਹਿਣ ਵਾਲੇ ਦੇਵਰਾਜ ਸਿੰਘ ਦਾ ਆਖਣਾ ਸੀ ਕਿ ਨਗਰ ਨਿਗਮ ਬਠਿੰਡਾ ਦੁਆਰਾ ਸਿਰਕੀ ਬਜ਼ਾਰ ਵਿੱਚੋਂ ਮੋਟਰਾਂ ਰਾਹੀਂ ਪਾਣੀ ਗੰਦੇ ਨਾਲੇ ਵਿੱਚ ਸੁੱਟਿਆ ਜਾਂਦਾ ਹੈ ਪਰ ਇਸ ਗੰਦੇ ਨਾਲੇ ਦੀ ਕਦੇ ਨਗਰ ਨਿਗਮ ਦੁਆਰਾ ਚੰਗੀ ਤਰ•ਾਂ ਸਫਾਈ ਨਾ ਕੀਤੇ ਜਾਣ ਕਾਰਣ ਸੁੱਟਿਆ ਜਾ ਰਿਹਾ ਪਾਣੀ ਵਾਪਸ ਗਊਸ਼ਾਲਾ ਰੋਡ 'ਤੇ ਆ ਕੇ ਇਕੱਠਾ ਹੋ ਰਿਹਾ ਹੈ। ਨਾਲੇ ਦੀ ਸਫਾਈ ਠੀਕ ਢੰਗ ਨਾਲ ਨਾ ਹੋਣ ਕਾਰਣ ਉਹਨਾਂ ਦੇ ਘਰ ਅੰਦਰ ਲਗਾਤਾਰ ਪੰਜ ਸਾਲਾਂ ਤੋਂ ਪਾਣੀ ਦਾਖਲ ਹੋ ਰਿਹਾ ਹੈ, ਜਦੋਂਕਿ ਬਾਹਰ ਰੋਡ 'ਤੇ ਵੀ ਪਾਣੀ ਭਰ ਜਾਂਦਾ ਹੈ। ਇਸ ਦੇ ਇਲਾਵਾ ਹਲਦੀ, ਮਿਰਚ ਤੇ ਮਸਾਲਾ ਦੀ ਪਿਸਾਈ ਸੈਂਟਰ ਦੇ ਮਾਲਕ ਤੇ ਛੋਲੇ ਭਟੂਰੇ ਦੀ ਦੁਕਾਨ ਚਲਾਉਣ ਵਾਲੇ ਪਹਿਲਵਾਨ ਦਾ ਆਖਣਾ ਸੀ ਕਿ ਨਗਰ ਨਿਗਮ ਮੁਲਾਜ਼ਮ ਇਕ ਪਾਸੇ ਗੰਦੇ ਨਾਲੇ ਵਿੱਚ ਪਾਣੀ ਕੱਢ ਰਹੇ ਹਨ ਤੇ ਦੂਜੇ ਪਾਸੇ ਗਊਸ਼ਾਲਾ ਰੋਡ 'ਤੇ ਵਾਪਸ ਪਾਣੀ ਗੰਦੇ ਨਾਲੇ ਵਿੱਚੋਂ ਆ ਰਿਹਾ ਹੈ। ਨਾਲੇ ਦੀ ਸਫਾਈ ਉਪਰੋਂ ਉਪਰੋਂ ਕੀਤੀ ਜਾਂਦੀ ਹੈ, ਜਿਸ ਦੇ ਕਾਰਣ ਇਹ ਦਿੱਕਤ ਆ ਰਹੀ ਹੈ। 
  
    ਇਸ ਮਾਮਲੇ ਵਿੱਚ ਸਾਬਕਾ ਕੌਂਸਲਰ ਰਾਜ ਕੁਮਾਰ ਸੂਦ ਦਾ ਆਖਣਾ ਸੀ ਕਿ ਉਹਨਾਂ ਨਗਰ ਨਿਗਮ ਅਧਿਕਾਰੀਆਂ ਨਾਲ ਕਈ ਵਾਰ ਇਸ ਪਾਣੀ ਖੜ•ਨ ਦੇ ਮੁੱਦੇ 'ਤੇ ਗੱਲਬਾਤ ਕੀਤੀ ਹੈ ਅਤੇ ਉਹਨਾਂ ਦੁਆਰਾ ਇਸ ਗੰਦੇ ਨਾਲੇ ਦੀ ਚਾਰ ਕੁ ਮਹੀਨੇ ਪਹਿਲਾਂ ਸਫਾਈ ਵੀ ਕਰਵਾਈ ਗਈ ਸੀ। ਲਾਈਨੋਪਾਰ ਇਲਾਕੇ ਵਿੱਚ ਡਿਸਪੋਜਲ ਬਨਣ ਬਾਅਦ ਪਾਣੀ ਦੀ ਨਿਕਾਸੀ ਦੀ ਆ ਰਹੀ ਸਮੱਸਿਆ ਖਤਮ ਹੋ ਜਾਵੇਗੀ। 
  
    ਇਸ ਮਾਮਲੇ ਵਿੱਚ ਨਗਰ ਨਿਗਮ ਦੇ ਸਹਾਇਕ ਕਮਿਸ਼ਨਰ ਬੀ.ਡੀ ਸਿੰਗਲਾ ਨੇ ਸੰਪਰਕ ਕਰਨ 'ਤੇ ਦੱਸਿਆ ਕਿ ਅੱਜ ਉਪਰੋਕਤ ਮਸਲੇ ਦੇ ਬਾਰੇ ਵਿੱਚ ਲੋਕ ਉਹਨਾਂ ਕੋਲ ਆਏ ਸਨ ਅਤੇ ਉਹਨਾਂ ਦੁਆਰਾ ਜਲਦ ਹੀ ਇਸ ਮਾਮਲੇ ਵਿੱਚ ਉਪਰੋਕਤ ਗੰਦੇ ਨਾਲੇ ਦੀ ਸਫਾਈ ਕਰਵਾਉਣ ਦਾ ਵਿਸ਼ਵਾਸ ਅੱਜ ਦਿਵਾਇਆ ਗਿਆ ਹੈ। ਇਸ ਗੰਦੇ ਨਾਲੇ ਦੀ ਸਫਾਈ ਕਰਵਾ ਦਿੱਤੀ ਜਾਵੇਗੀ ਅਤੇ ਇਸ ਸਮੱਸਿਆ ਦਾ ਹੱਲ ਹੋ ਜਾਵੇਗਾ।